Politi-billetter & hotell i Bergen
Sted: Det Vestnorske Teateret
Periode: -
Pris: Billett og hotell pr pers. fra kr 1015,-
Gode billetter
De beste hotellene
Rimelige pakkepriser
Enkel bestilling
POLITI får premiere januar 2024 på Det Vestnorske Teateret. Sikre deg hotellpakke med billettar no!
POLITI er ein nyskriven trilogi om politiet i Bergen. Del 1, som får premiere 25. januar, handlar om to unge politibetjentar som har fått sin fyrste jobb. Dei skal arbeida for politiet i Bergen! Dei elskar byen, men hatar at politiet her har fått så dårleg rykte på seg blant folket. Det er på tide å få alle trolla fram i lyset, så dei sprekk!
I denne fyrste delen av trilogien om politiet i Bergen går vi attende til sytti- og åttitalet - år prega av intern strid og offentleg kritikk. Er det ein kultur for vald i politiet? Trur dei at dei er heva over lova? Eller er kritikken konstruert av kvasi-forskarar som ønsker å sverte alle som sit på makt?
– Det blir både ei forteljing om det moderne Noreg og Vestlandet, og eit portrett av byen. Me ønskjer å fortelja om saker mange har eit forhold til, men som dei eigentleg ikkje veit så mykje om. Me skal anten laga tre førestillingar om tre ulike saker eller samla mange saker i det ulike kapitla, seier nytilsett teatersjef Thomas Bye til Bergens Tidende.
Dramatikar og regissør Aslak Moe har i ei årrekke laga teater om brennbare tema, som tek utgangspunkt i verkelege hendingar. Han har mellom anna laga teater om ulv i Innlandet, om Arve Beheim Karlsen-saka i Sogn og Fjordane, og no altså om politiet i Bergen.
Av Aslak Moe
Regi: Aslak Moe
Scenografi og kostymedesign: Mari Hesjedal