Klypa-show & hotell i Bergen

Klypa-showet «Det verste frå bygda» inntar Bergen i høst. Sikre deg showpakke med hotell no!

For første gong kjem Klypa til Bergen med premiere – og det blir markert med eit skikkeleg jubelbrak. I år feirar Klypa 25 år, og det blir markert med den splitter nye framsyninga «Det verste frå bygda».  

Publikum i Bergen får eit kjært gjensyn med favorittkarakterane: ferjebillettøren Kjellen, den evige optimisten Palle, Strila-Petter, Louis Myklebust – og ikkje minst Thomas sjølv. Det blir bygdesladder, skrå humor, musikalske innslag og den gjenkjennelege galskapen som berre Klypa kan levere.

Gjennom åra har Klypa opparbeidd seg ein solid og trufast fanskare over heile landet, med millionvis av visningar på YouTube, hundretusenvis av følgarar i sosiale medium og utselde hus frå nord til sør. Thomas Ryste, mannen bak Klypa, har òg tidlegare fylt salar i Bergen – og denne gongen løftar han det heile endå eit hakk. 25 år med karakterar, dialekt og treffsikker bygdehumor er samla i éi framsyning som ligg an til å bli ein av haustens store publikumsfavorittar i byen.

Framsyninga er regissert av Arvid Ones.

Dette er kvelden for deg som veit at det alltid skjer litt meir på bygda enn det som står i lokalavisa.

Kjøp komplett pakke med hotellovernatting, frokost og billetter!