Pippi på sirkus-billetter og hotell i Oslo

Pippi på sirkus spilles på Det Norske Teatret. Sikre deg hotellpakke med billetter nå!

Ta Sveriges største, modigaste og sterkaste litterære ikon. Legg til spektakulære sirkustriks og så får du ABBA sin Björn Ulvaeus til å skrive ny musikk.

Tjolahopp tjolahej!

Det kan høyrest ut som ein fantasi, men i 2022 fekk denne framsyninga premiere i nabolandet vårt. Resultatet blei ei storslagen gjenskaping av Astrid Lindgrens klassiske karakter og like klassiske forteljing om verdas sterkaste, snillaste og festlegaste jente. Mottakinga var ellevill.

No er denne framsyninga klar for eit norsk publikum. Gjer dykk klare for å sjå Pippi som de aldri har sett henne i ein nyskriven, sensasjonell sirkusmusikal. Pippi på sirkus blir ei musikalsk overskotshending som trosser tyngdekrafta og som utan sikkerheitsnett viser eit svimlande akrobatisk ensemble og eit like leikande opplagt orkester.

Tjola hoppsan-sa!

Saman med Björn Ulvaeus har Maria Blom og Tilde Björfors skrive manus, som er basert på Astrid Lindgrens historie om da Pippi, Tommy og Annika drog på sirkus og møtte sirkusprinsessa Miss Carmencita, linedansaren Elvira og verdas sterkaste mann Sterke Adolf. Pippi på sirkus er ein godtepose fullpakka med alt som er morosamt.

– Som millionar av andre svenskar over to år, elskar eg Pippi Langstrømpe. I ein av Astrid Lindgrens forteljingar går ho på sirkus saman med Annika og Tommy, og den historia har inspirert til ein nyskrevet musikal, som eg har laga saman med eit ekte sirkuskompani og mange andre talentfulle menneske. I framsyninga vår er Pippi den same, men likevel annleis. Vi har tolka det som ligg mellom Astrids strekar og gitt det eit musikalsk kostyme.

Björn Ulvaeus